Հասարակական կազմակերպության գրանցում
Ծառայությունից օգտվելու համար անհրաժեշտ է ունենալ «Ես Եմ» նույնականացում:
Ծառայության մասին
Ծառայությունը մատուցվում է ՀՀ քաղաքացի, օտարերկրյա քաղաքացի կամ քաղաքացիություն չունեցող անձանց: Ծառայությունից հնարավոր է օգտվել նաև ֆիզիկապես՝ անձամբ այցելելով գրասենյակ։Ի՞նչ պետք է Դուք ներկայացնեք ծառայությանը դիմելիս։
Հասարակական կազմակերպության նախընտրելի անվանումը, իրավաբանական հասցեն կազմակերպության գործունեության բնույթը, գործունեության առարկան և նպատակները, հիմնադիրների և գործադիր մարմնի ղեկավարի վերաբերյալ տեղեկություններ։
Հաճախ տրվող հարցեր
Ի՞նչ անվանում կարող է ունենալ Հասարակական կազմակերպությունը։
Հասարակական կազմակերպության անվանումը պետք է հայերենով պարունակի տարբերակող նշանակության հատուկ կամ հասարակ անուն, ինչպես նաև «հասարակական կազմակերպություն» բառերը: Հասարակական կազմակերպության անվանումը պետք է ցուցում պարունակի իրավաբանական անձի գործունեության բնույթի մասին:
Ի՞նչ ժամկետներով կարող է ստեղծվել Հասարակական կազմակերպությունը։
Կազմակերպությունը ստեղծվում է անժամկետ, եթե նրա կանոնադրությամբ գործունեության ժամկետի սահմանափակում նախատեսված չէ։
Առնվազն քանի՞ անձ կարող է հիմնադրել Հասարակական կազմակերպություն։
Հասարակական կազմակերպություն կարող է հիմնադրել առնվազն երկու անձ՝ ֆիզիկական անձ և (կամ) իրավաբանական անձ: