Բաց բաժնետիրական ընկերության գրանցում
Ծառայությունից օգտվելու համար անհրաժեշտ է ունենալ «Ես Եմ» նույնականացում:
Ծառայության մասին
Ծառայությունն ապահովում է ՀՀ քաղաքացիություն ունեցող ֆիզիկական անձանց կողմից առցանց եղանակով բաց բաժնետիրական ընկերության գրանցումը: Գրանցումը կատարվում է համակարգի կողմից տրամադրվող ձևանմուշներով, կամ քաղաքացիների կողմից ներկայացվող տարբերակներով:Ի՞նչ պետք է Դուք ներկայացնեք ծառայությանը դիմելիս։
Բաց բաժնետիրական ընկերության նախընտրելի անվանումը, իրավաբանական հասցեն, կազմակերպության գործունեության բնույթը, կանոնադրական կապիտալը, հիմնադիրների և գործադիր մարմնի ղեկավարի վերաբերյալ տեղեկություններ։
Ձևաթղթեր
Հաճախ տրվող հարցեր
Ի՞նչ անվանում կարող է ունենալ Բաց բաժնետիրական ընկերությունը։
Բաց բաժնետիրական ընկերությունն ունի հայերեն ֆիրմային անվանում, որը պետք է պարունակի տարբերակող նշանակության հատուկ, հասարակ և (կամ) այլ անուն, ինչպես նաև ներառի «բաց բաժնետիրական ընկերություն» բառերը։
Ի՞նչ ժամկետներով կարող է ստեղծվել Բաց բաժնետիրական ընկերությունը։
Կազմակերպությունը ստեղծվում է անժամկետ, եթե նրա կանոնադրությամբ գործունեության ժամկետի սահմանափակում նախատեսված չէ։
Առնվազն քանի՞ անձ կարող է հիմնադրել Բաց բաժնետիրական ընկերություն։
1 կամ ավելի բաժնետեր։
Ի՞նչ է բաց բաց բաժնետիրական ընկերությունը
Բաց Բաժնետիրական ընկերություն է համարվում առևտրային կազմակերպություն հանդիսացող այն տնտեսական ընկերությունը, որի կանոնադրական կապիտալը բաժանված է Ընկերության նկատմամբ բաժնետերերի պարտավորական իրավունքը հավաստիացնող որոշակի թվով բաժնետոմսերի:
Ընկերությունը համարվում է բաց, եթե նրա բաժնետերերն իրավունք ունեն օտարել իրենց պատկանող բաժնետոմսերն առանց մյուս բաժնետերերի համաձայնության: Նման Ընկերությունն իրավունք ունի օրենքով և այլ իրավական ակտերով սահմանված պայմաններով անցկացնել իր թողարկած բաժնետոմսերի բաց բաժանորդագրություն և դրանց ազատ վաճառք: